Структурно програмирање

Аудиториска вежба 1

1. Околина за развој

За пишување програми, често се користат околини за развој. Процесот на пишување на програма е следен:

• изворниот код се внесува преку тасттура

• потоа се врши преведување на програмата

  • со тоа се создава извршна програма т.е. програма напишана во јазикот на компјутерот

Околината за развој е составена од повеќе програми, кои го олеснуваат целокупниот развој на една програма:

• текст уредувач (text editor)

• преведувач (компајлер - compiler)

• дебагер (debugger)

• интеграција на библиотеки со функции

• поврзувач (linker)

1.1. Околини за развој (Integrated Development Environment - IDE)

Сите овие елементи на околината за развој се обединуваат (интегрираат) во т.н. интегрирани околини за развој. Пример за IDE е околината која ќе се користи на овој курс, CLion

2. CLion (инсталација, лиценца, прва програма)

На видео-упатството (достапно на овој линк) се прикажани следните работи:

• преземање на инсталациона датотека за CLion
• инсталирање на CLion на машина со Windows оперативен систем
• регистрација на JetBrains
• аплицирање за студентска лиценца
• активирање на студентската лиценца во CLion
• креирање на прв проект во CLion
• упатство за структурирање на вашиот проект и додавање на нови .cpp фајлови во проектот
• извршување на една C++ програма
• упатство за дебагирање со breakpoints
• менито на CLion

3. Задачи за дома

Во продолжение се наведени неколку задачи кои би требало да се обидете да ги изработите дома. Со нивна изработка ќе бидете подготвени за успешна работа на претстојните лабораториски вежби.

3.1 Задача 1

Обидете се да креирате нов проект со една .сpp датотека и во неа внесете го текстот на следнава програма:

#include<iostream>
using namespace std;

int main () {
    cout << "Zdravo, kako si?" << endl;
    return 0;
}

• Извршете ја програмата
• Што добивате како резултат?

Доколку сте направиле грешка при пишувањето на текстот поправете и извршете уште еднаш. Направете намерно некоја грешка во текстот.

Извршете повторно!

Што се случува сега?

3.2. Задача 2

Во текстот на програмата додадете го означениот ред:

#include<iostream>
using namespace std;

int main () {
    cout << ""Zdravo, kako si?" << endl;
    // dodadi go ovoj red
    cout << "Neshto ne ti se pravi muabet?" << endl;
    return 0;
}

Кој е резултатот од извршувањето сега?